Yığmamızın keçmiş futbolçusu Abuzər İbrahimov Türkiyənin "Kanal D" telekanalında məşhur "Ben bilmem, eşim biler" şousunda iştirak edib.
SportArena.az xəbər verir ki, bu barədə tanınmış jurnalist Mehman Süleymanov status paylaşıb. Süleymanov yazıb: "Neçə vaxtdır anonsu gedən Azərbaycan həftəsində iştirakçılardan biri diqqətimi çəkdi. Bu, tanınmış futbolçularımızdan olmuş Abuzər İbrahimovdur".
Qeyd edək ki, iyunun 3-də 40 illik yubileyini qeyd edəcək Abuzər İbrahimov vaxtilə "Neftçi", "Qarabağ" kimi iddialı klubların şərəfini qoruyub. Keçmiş müdafiəçi milli komandamızda da oynayıb, hətta çimərlik yığmamızda çıxış edib. O, proqramda xanımı, vaxtilə atletikanın qaçış növü ilə məşğul olmuş Mətanət İbrahimova ilə qatılıb.