Xəbər verdiyimiz kimi Premyer Liqaya vəsiqə qazanan "Kəpəz" ev oyunlarını "Dalğa arena"da keçirə bilər. Buna səbəb Gəncə stadionunun təmirə bağlanmasıdır.
SportArena.az olaraq, "Kəpəz" fanklubunun rəbəri Elmar Əliyevlə əlaqə saxlayıb, onun fikirini öyrəndik:
"Gəncə stadionu təmir olunmalıdır, bunu anlayırıq. Amma heç bir halda razı deyilik ki, doğma komandamız Bakıda "Dalğa arena"da oynasın. Əgər "Kəməz" "Dalğa arena"da meydana çıxarsa, biz onları dəstəkləməyəcəyik. Yaxşı olar kı, komandamız Yevlaxda, Şəmkirdə, və ya digər yaxın şəhərlərdə oynasın. Belə olsa, yerli azarkeşlərin də bir qismi problemsiz gedib, "Kəpəz"i dəstəkləyəcək. Mən bu sözümü tək demirəm. Mənim kimi minlərlə "Kəpəz" azarkeşi də komandamızın yaxın ərazilərdə ev oyunlarının keçirilməsinin tərəfdarıdır".
Cavid ƏHMƏDOĞLU