İtaliyada oyun alqı-satqısı ilə bağlı yeni qalmaqal yaşanır.
SportArena.az xəbər verir ki, İtaliya polisi oyun alqı-satqısında şübhəli bilinən 50 nəfəri həbs edib. Daha 70 nəfər isə bu işlə bağlı istintaqa cəlb olunub.
Həbs olunanlar İtaliyanın 3-cü və 4-cü divizionunda nəticəsi əvvəlcədən razılaşdırılmış oyunların təşkilində şübhəli bilinirlər. Məlumata görə, polis xeyli sayda qarşılaşmanın nəticəsinin əvvəlcədən müəyyənləşdirildiyinin üstünü açıb.
Həbs olunanlar arasında İtaliyanın cinayət aləminin tanınmış simalarının və bir polis əməkdaşının olduğu bildirilir.
İstintaqın araşdırmasına görə, cinayətdə aşağı dəstədə çıxış edən 30 klubun menecerləri, məşqçiləri və futbolçuları da iştirak ediblər. Onların mənzillərində axtarış aparılıb.