Son günlər yayılan xəbərlərə görə, "Kəpəz"in sabiq qapıçısı Xəyal Zeynalov "Kəpəz" klubunun əvəzedici heyətinə qapıçılarla işləyən məşqçi təyin edilir.
SportArena.az olaraq, bu məsələni araşdırmaq üçün, əvvəlcə Şahin Diniyevlə əlaqə saxladıq:
"Mənim köməkçim artıq məlumdur. Yəni ki, Xəyal Zeynalovun əsas komandada qapıçılarla işləməsi indi inandırıcı deyil. Eyni zamanda da Xəyal hal-hazırda öz yetirmələri ilə məşğuldur. Sizin suala ən düzgün cavabı klub rəhbərliyi verər".
"SportArena.az olaraq, "Kəpəz"in icraçı direktoru Mehman Allahverdiyevlə əlaqə saxladıq:
"Bu xəbərin hardan eşitdiyinizi bilmirəm, amma məndə bu barədə məlumat yoxdur. İndi sizə dəqiq heç nə deyə bilmərəm. Yaxşı olar kı, sabah əlaqə saxlıyın, mən də tam olaraq bu barədə danışım. Amma yenə deyirəm ki, Xəyal Zeynalovun "Kəpəz"ə keçməsi haqqında mən də heç bir məlumatt yoxdur".
Cavid ƏHMƏDOĞLU