“Zirvə” Beynəlxalq İdman Klubu bir çox növlərdə yüksək pillələr uğrunda mübarizənin öncüllərindəndir. Ağır atletika, cüdo, gimnastika ilə yanaşı, futbolda da uğurlu fəaliyyətimiz davam edir. Gənc, eyni zamanda təcrübəli mütəxəssis Fuad Cəfərovun rəhbərliyi altında gələcəkdə böyük futbolda parlayacaq oyunçular yetişir. Aşağı yaş qrupundakı komandamız qatıldığı bütün turnirlərdə çempionluğa oynamaqla gücünü ortaya qoyur.
Yaşı 12-yə qədər olan komandalar arasında Bakı birinciliyində çıxış edən “Zirvə” FK ötən bazar növbəti matçını keçirib. Rəqib “Suraxanı” olub. Komandamız möhtəşəm oyun nümayiş etdirərək 5:0 hesabı ilə qələbə qazanıb.
“Zirvə” FK keçirdiyi 7 oyunun hamısında qələbə qazanaraq 21 xalla turnir cədvəlinə başçılıq edir. Şəksiz favorit olan komandamız bu yarışda çempionluğa əsas namizəddir.
Klub rəhbərliyi bu uğurlu çıxış münasibətilə məşqçi və futbolçularımızı təbrik edir, onlara gələcəkdə də qələbələrinin davamının gəlməsini arzulayır.
Komandamızın inamlı qələbə qazandığı matçın videoyazısını sizə təqdim edirik: