Gələn mövsümdən çempionluq iddiasını ortaya qoyacaq “ Xəzər Lənkəran” ın transfer siyahısında olan futbolçu rəsmən “ Sumqayıt” la müqavilə imzalayıb.
Siyahıda 21 futbolçudan biri olan Vüqar Bəybalayev “ Bakı” dan “ Sumqayıt” a keçib. Bu barədə futbolçu özü saytımıza məlumat verib:
“Xəzər Lənkəran" güclü və iddialı klubdu. Məncə, hər bir futbolçu orada oynamaq istəyər. Mətbuatdan oxuduğuma görə, Lənkəran klubu məni heyətində görmək istəyirdi. Amma mən "Sumqayıt"la müqaviləyə imza atmışam. İnanıram ki, burada mənimçün daha uğurlu olacaq. Çünki, Sumqayıt klubunda gənclərə hər zaman diqqət ayrılır".
Siyahıda isə bu futbolçular yer alır: Rəşad Eyyubov, Asif Məmmədov, Dragan Çeran, Abdulla Abatsiyev, Səlahət Ağayev, Diego Souza, Roberto Alviz və 3 braziliyalı, 3 malili, 2 ispan və 1 portuqal futbolçu.
P.S. Orxan Əliyev “ Sumqayıt” dan icarə müddəti bitdiyi üçün XL`ə geri qayıdıb. xl-fans.com