Bu gün İtaliyanın Kataniya şəhərində təşkil olunan çimərlik futbolu üzrə Euro Winners Cup turnirinə yekun vurulur.SportArena.az xəbər verir ki, Azərbaycanın bu turnirdə təmsil edən "Amrahbank" klubu 5-8-ci yerlər uğrunda görüşdə Portuqaliyanın "Braqa" komandası ilə qarşılaşıb.
Görüş təmsilçimizin 3:4 hesablı məğlubiyyəti ilə başa çatıb. Asif Zeynalovun dubl etdiyi oyunda digər qolu Əbdül Əliyev vurub.
Azərbaycan klubu turnirdəki son matçını 7-ci yer uğrunda Polşa "Lodz"una qarşı keçirəcək.
Xatırladaq ki, "Amrahbank" qrup mərhələsində Rusiya "Lokomotiv"inə uduzsa da (0:5), Fransa "Monpelye"si (6:5) və Rumıniya "Konstanta"sına (10:8) qalib gəlmişdi.
Pley-offda İspaniyanın "Bala Azul" klubunu darmadağın edən (9:5) təmsilçimiz 1/4 finalda İtaliya "Kataniya"sına uduzmuşdu - 2:3.