“Real”ın portuqaliyalı ulduzu Kriştianu Ronaldonun anası Dolores Aveyru Madrid aerportunda saxlanılıb.
SportArena.az xəbər verir ki, onun saxlanılmasına səbəb 55 min avro pulla hava limanından keçmək istəməsi olub.
Gömrük işçiləri ona bildiriblər ki, bəyənnamə olmadan ancaq 10 min avro pulla təyyarəyə minə bilər. Yalnız pulları hardan əldə etdiyini bildirdikdən sonra 55 min avro ilə keçməsi mümkündür. Ronaldonun anası isə heç bir halda bu qədər pulun onda hardan olduğuna aydınlıq gətirməyib.
Buna görə də hava limanında onun pulunun 45 min avrosunu alıb, 10 min avro ilə gedə biləcəyini deyiblər. Ondan götürülən məbləğin isə yalnız pulun mənbəyini dedikdən sonra qaytara biləcəkləri barədə xəbərdarlıq ediblər.