İyunun 12-dən 28-nə kimi paytaxtımızda keçiriləcək I Avropa Oyunları zamanı “Bakı Metropoliteni”ndən istifadə edəcək tamaşaçılara xoş müjdə var. Bu Oyunlara bileti olan tamaşaçılar həmin gün metrodan pulsuz istifadə edəcəklər.
SportArena.az xəbər verir ki, bu haqda məlumat “Bakı Metropoliteni” QSC-nin saytında yer alıb.
Məlumata görə, tamaşaçı qismində iştirak edəcək şəxslər həmin günə olan bileti şəxsiyyət vəsiqəsi ilə təqdim etməlidirlər.
Xatırladaq ki, Bakı 2015 Avropa Oyunlarının iyunun 12-də keçiriləcək açılış və ayın 28-ə təyin edilmiş bağlanış mərasimlərinə bileti olan tamaşaçılara həmin gün Bakı metropolitenindən pulsuz istifadə etməsi barədə qərar qəbul edilmişdi.
“Bakı Metropoliteni”QSC-nin rəhbərliyi bildirir ki, qəbul edilmiş son qərara əsasən, Avropa Oyunlarında yarışlarda tamaşaçı qismində iştirak edəcək şəxslər həmin günə olan bileti, şəxsiyyət vəsiqəsi ilə birlikdə olmaq şərtilə, təqdim edərək, metrodan pulsuz istifadə edə biləcəklər.