Astara şəhərində Qurtuluş Gününə həsr edilmiş möhtəşəm bayram konserti keçiriləcəkdir. Tanınmış və yerli müğənnilər tərəfindən müxtəlif ifalar səsləndiriləcək, maraqlı rəqs nömrələri nümayiş olunacaqdır. Muğam və milli musiqilərin də yer alacağı konsertdə bütün cənub bölgəsinin əhalisində bayram əhvalını daha da yüksəltmək məqsədilə atəşfəşanlıq da təşkil olunacaqdır.
Konsert Astara şəhər İcra Hakimiyyətinin sifarişi, “AAAF Park” Yaşayış Kompleksinin dəstəyi və təşkilatçılığı ilə Astaranın dənizkənarı park-bulvar kompleksində yeni istifadəyə verilmiş “AAAF Park Astara” İstirahət və Əyləncə Mərkəzində baş tutacaqdır.
Astara şəhər İcra Hakimiyyəti və “AAAF Park Astara” Yaşayış Kompleksi hər kəsi 14 iyun saat 18:00-da başlayacaq möhtəşəm bayram konsertinə dəvət edir.