2015/16 mövsümünün hazırlıqlarını Ərzurumda davam etdirən “qırmızı-qaralar” təlim-məşq toplanışının 3-cü gününü iki məşqlə başa vurub.
SportArena.az xəbər verir ki, Roman Qriqorçukun yetirmələri hazırlıq zamanı həm toplu, həm topsuz məşq edib. Komanda taktiki hazırlıq üzərində də çalışıb.
Dodo, Rikardinyo, Tellur Mütəllimov və Ruslan Əmircanov fərdi məşqlə kifayətlənib. Milli komandaların heyətində olan futbolçular - Cavid Hüseynov, Arif Daşdəmirov, Məhəmməd Mirzəbəyov, Elvin Camalov məşqlərdə iştirak etməyib.