Son 3 gündə 37.500-dən çox bilet satılıb. Bağlanış mərasiminə 48 min bilet satılıb, artıq bağlanış mərasimi üçün bilet qalmayıb.
SportArena.az xəbər verir ki, bunu bu gün Bakıda keçirilən mətbuat konfransı zamanı I Avropa Oyunlarının Əməliyyat Komitəsinin əməliyyatlar üzrə baş direktoru Saymon Kleq deyib.
O deyib ki, yarışlar başa çatdıqca idmançılar və nümayəndə heyətləri öz ölkələrinə qayıtmaqdadır. Avropa Oyunları tamaşaçı baxımından yüksək nəticəyə malikdir. Bir çox sessiyalarda 100 faiz tamaşaçı müşahidə etmişik.