"Bakı-2015" I Avropa Oyunlarında kamandan oxatmada komanda yarışları keçiriləcək. Tofiq Bəhramov adına Respublika stadionunda kişilər, qadınlar və qarışıq komandalar mübarizə aparacaq.
Qadın yığmaların yarışında 1/8 finala start verilib. Azərbaycan millisi bu raundda Almaniya ilə görüşəcək. Qarşılaşma saat 10:15-də başlayacaq. Komandamızı Olqa Senyuk, Nurlana Vəliyeva və Yaylagül Ramazanova təmsil edəcək.
Digər iki yığmamız 1/8 finalda İtaliya ilə görüşəcək. Kişilərdən ibarət komandamız 11:55, qarışıq yığmamız 15:25-də hədəf önünə keçəcək.
Qeyd edək ki, kişilərdən ibarət komandada Aleksey Kopnin, Taaras Senyuk və Roman Vengerov çıxış edir. Qarışıq yığmamızda isə Olqa Senyukla Taras Senyuk çıxış edir.