Bakı Zooparkının rəhbərliyi də Avropa Oyunlarının keçirilməsilə əlaqədar yeniliklər tədbiq etməkdədir. Turistlərin say çoxluğunu nəzərə alınaraq zooparkın ərazisində müəyyən addımlar atıblar.
Bakıda keçirilən birinci Avropa Oyunlarında ölkəmizə turistlərin və qonaqların gəlişilə əlaqədar olaraq Bakı Zooloji Parkının ərazisində bir sıra yeniliklər edilib.
Bu barədə ANS-ə Bakı Zooloji Parkının direktoru Azər Hüseynov məlumat verib. Parkın ərazisində ingilis dilində məlumat verici lövhələr quraşdırılıb. Həmçinin zooloji parka gələn xarici qonaqları qarşılamaq, onları məlumatlandırmaq üçün ingilis və rus dillərini bilən bələdçilər işə cəlb olunub.
“Zooparda bir çox işlər görülüb, qəfəslər rənglənib, yazılar yenilənib. Bura turistlər gəlir. Hazırda zoorparkın ərazisində bələdiçlər fəailiyyət göstərir, onlar turisləri maraqlandıran sualları cavablandırırlar”, – deyə Bakı Zooloji Parkının direktoru Azər Hüseynov bildirib.
Qeyd edək ki, Bakı Zooloji Parkında yay fəslinin gəlməsilə əlaqədar olaraq iş saatları da uzadılıb.
Artıq zooparkın qapıları bura gəlmək istəyən yerli və əcnəbi vətəndaşlar üçün axşam saat 20:00-a qədər açıq olacaq.