Bakı Dövlət Universitetində (BDU) "Bakı-2015" Avropa oyunlarında şotokan karate do idman növü üzrə qızıl medal sahibi, universitetin tətbiqi-riyaziyyat və kibernetika fakütəsinin 2014-cü il məzunu Ayxan Mamayev və Avropa oyunlarında 2 uğurlu çıxışı ilə yadda qalan filologiya fakültəsinin 2-ci kurs tələbəsi Fəridə Abiyeva ilə görüş keçirilib.
Sportarena.az xəbər verir ki, tədbirdə BDU-nun rektoru, akademik Abel Məhərrəmov bildirib ki, "Bakı-2015" Avropa oyunlarında 250 istiqamət üzrə 3000 universitet könüllüsü fəaliyyət göstərir. Rektor qızıl medal sahibi Ayxan Mamayevi təbrik edərək ona gələcək həyatında və yarışlarda uğurlar arzulayıb. Rektor bu uğuruna qədər Ayxan Mamayevin keçdiyi idman yolu haqqında məlumat verib.
Rektor həmçinin Avropa oyunlarında uğurlu çıxışları ilə yaddan qalan Fəridə Abiyevanın 5 yaşından eyni idman növü ilə məşğul olduğunu, onun 10 qat respublika çempionu, dünya kubokunun sahibi və bir sıra beynəlxalq turnirlərin qalibi olduğunu diqqətə çatdıraraq, gələcək oyunlarında qələbə arzulayıb.