Bakı-2015 Avropa Oyunlarında boks yarışlarının 1/4 final mərhələsinin oyunları keçirilir.
Sportarena.az xəbər verir ki, Əvvəlki mərhələdə erməni əsilli Gürcüstan təmsilçisi Otar Eranosyana qalib gələn Albert Səlimov bu dəfə bolqarıstanlı Dmitri Elian ilə döyüşüb. Qarşılaşma təmsilçimizin xeyrinə başa çatıb. WSB liqasından Rio-2016-ya lisenziya qazanan Səlimov hər 3 raundda rəqibini məğlub edib - 3:0 (30:27; 30:27; 30:27).
Yarışları hər zaman izləyən Azərbaycan Boks Federasiyasının prezidenti Kəmaləddin Heydərov da tribunadan idmançımız qələbəsini alqışlayıb.