Bugündən etibarən “Qarabağ” haqda bilgi əldə etmək çox rahat olacaq.
Sportarena.az klubun saytına istinadən xəbər verir ki, Azərbaycan klubları arasında ilk dəfə olaraq “Qarabağ” FK klubuna məxsus tətbiqetmə (application) ictimayyətə təqdim olunub.
Artıq tam yeni, rəngarəng və istifadəyə rahat “Qarabağ” FK tətbiqetməsini yükləyərək komanda haqda məlumatları əldə etmək mümkün olacaq.
Tətbiqetmə klubun rəsmi saytının bütün informasiyasını özündə daşımaqla yanaşı, bir sıra funksiyaları ilə də istifadəçilərə əlverişli imkanlar yaradacaq.
"Qarabağ"ın oyunu olduğu zaman gələn bildirişlər, daimi yeniliklərlə bağlı xəbərdarlıqlarlar tətbiqetmədə yer alacaq.
Rəngərəng fotoqalereyalar, videolar, xəbərlər və başqa xüsusiyyətlərlə “Qarabağ” FK tətbiqetməsində görə bilərsiniz.
“Qarabağ” tətbiqetməsi həm İOS, həm də Android platformalı mobil cihazlar üçündür. Hər 2 sistemin PLAYSTORE tətbiqetmə mağazasında Qarabağ(g)(gh) axtarış verməklə tətbiqetməni rahatlıqla,heç bir ödəniş etmədən telefonunuza yükləmək mümkündür.