Bu gecə Türkiyənin NTV Spor telekanalında yayımlanan “Spor gecəsi” verilişində ölkəmizlə bağlı xoş hadisə yaşanıb.
Verilişin aparıcısı Emek Ege azərbaycanlı futbolsevərlərə xoş olacaq addım atıb. Belə ki, Fərid Qarazadə adlı gənc verilişin aparıcısına məktub verib, “Neftçi” futbol klubunun formasını və şarfını hədiyyə edib. Ege də öz növbəsində bu gecə yayımlanan verilişdə bu hədiyyəyə görə öz təşəkkürlərini bildirib.
“Neftçi” azarkeşi olmadığını, sadəcə əlində "Neftçi" forması və şarfı olduğu üçün bu atributları göndərdiyini deyən Fərid, məqsədinin ölkəmizin təbliği, həmçinin də verilişin aparıcısının kolleksiyasının ölkəmizə aid olan atributlarla zənginləşdirmək olduğunu deyib. (ANS Press)