"Neftçi"dən ayrılaraq Moldovanın "Şerif" klubuna keçən Saşa Stamenkoviç evlənir.
Sportarena.az хəbər verir ki, serb qapıçı 2011-ci ildən birgə yaşadığı müğənni Silviya Nedelkoviçlə ailə həyatı qurur.
Cütlüyün toyu sentyabrda olacaq. Mərasim Serbiyanın paytaxtı Belqraddakı restoranların birində baş tutacaq.
Qeyd edək ki, Nedelkoviç "Qrand" qrupunun solisti olsa da, uzun müddət səhnədən uzaq qalıb. O, Stamenkoviçlə birgə Bakıda yaşayıb. Hazırda isə cütlük Belqraddadı və toya hazırlaşır. Nikahdan sonra Silviya mahnı yazaraq, səhnəyə qayıtmağı düşünür. (fanat.az)