"Neftçi"nin sabiq baş məşqçisi Böyükağa Hacıyevin Pro kateqoriyalı imtahanlardan kəsilməsi barədə məlumatlar yayılıb.
Sportarena.az rekord.az-a istinadən xəbər verir ki, bir neçə gün bundan əvvəl imtahandan keçən və Pro kateqoriyasına sahib çıxan məşqçilərə federasiyadan zəng olunub, imtahandan keçmələri onların diqqətinə çatdırılıb. Ancaq Böyükağa Hacıyevlə "Rəvan"ın sabiq baş məşqçisi Bəhmən Həsənova analoji zəng olunmayıb. Bu isə onu deməyə əsas verir ki, Böyükağa Hacıyevin imtahandan kəsilməsi ilə bağlı yayılan xəbərlər həqiqətdir və o imtahandan kəsilərək Pro ala bilməyib.