Dünən “Bakı-2015” Avropa Oyunlarının könüllülərinə və Azərbaycan yığmasının idmançılarına həsr edilmiş “Tarix yazdıq! Tarixə yazıldıq!” şüarı altında parad keçirilib.
Sportarena.az Azərtac-a istinadən xəbər verir ki, Gənclər və İdman Nazirliyinin, birinci Аvropa Oyunları Əməliyyat Komitəsinin təşəbbüsü ilə təşkil edilən tədbir iki hissədən ibarət olub. Tədbirin birinci hissəsində Azərbaycan idmançılarının və Avropa Oyunlarının könüllülərinin iştirakı ilə Bakı İdman Sarayından başlayan “Bakı-2015” paradı Dənizkənarı Milli Parkda, Saat qülləsinin yanında yekunlaşıb.
“Bakı-2015” paradı burada xüsusi konsert proqramı ilə davam etdirilib.