Premyer Liqaya yenicə dönmüş Gəncənin “Kəpəz” klubu baş məşqçi Şahin Diniyevin rəhbərliyi altında yeni mövsüm hazırlıqlarını Türkiyədə davam edir.
Sportarena.az xəbər verir ki, bir neçə futbolçu yoxlanışa dəvət edib ki, bunlardan biri də slovakiyalı müdafiəçi İvan Pexadır. "Kapaz FC" "facebook" səhifəsinə açıqlamasında məlumatı təsdiqləyən slovakiyalı futbolçu yaxın günlərdə "Kəpəz"in heyətinə qoşulacaq. Yoxlanışdan sonra onun komandada qalıb-qalmayacağı dəqiqləşəcək.
Nəzərinizə çatdıraq ki, İvan bir müddət Azərbaycan Premyer Liqasında çıxış edib. O, “Xəzər-Lənkəran” və “Rəvan” klublarında forma geyib.