Azərbaycanın və “Qəbələ” İdman Klubunun təmsilçisi, qarışıq döyüş növlərində (MMA) çıxış edən Bəxtiyar Abbasov növbəti qələbəsini qazanıb.
Sportarena.az xəbər verir ki, 30 yaşlı idmançımız Rusiyanın Krasnodar şəhərində təşkil olunan “Tech-Krep FC-PRIME Selection” adlı döyüş gecəsindən qalib ayrılıb.
84 kq çəki dərəcəsində qüvvəsini sınayan Abbasov ukraynalı Artyom Şokalo ilə üz-üzə gəlib. Təmsilçimiz 22 yaşlı rəqibini məğlub edib. 3 raund davam edən döyüşün qalibi hakimlərin rəyi ilə müəyyənləşib. Ədalət təmsilçiləri qələbəni yekdilliklə Abbasova verib.