Azərbaycan Premyer Liqasına hazırlığı Türkiyənin Ərzurum şəhərində davam etdirən “Zirə” heyətini daha bir futbolçu ilə gücləndirib.
Sportarena.az klubun saytına istinadən xəbər verir ki, serbiyalı mərkəz müdafiəçisi Yovan Krneta komandanın şərəfini qoruyacaq. Onunla bir illik müqaviləyə imza atılıb. Yovan artıq Ərzurumdadır və komandanın düşərgəsinə qoşulub
Qeyd edək ki, 23 yaşlı Krnetanın son klubu Ukraynanın “Çernomorets” klubu olub. Komandasının müdafiə xəttinin liderlərindən olan Yovan müqaviləsi başa çatdığı üçün yayda Ukraynadan ayrılıb.