Azərbaycan Futbol Federasiyaları Assosiasiyası ilə Peşəkar Futbol Liqasının Premyer Liqa oyunlarının televiziya vasitəsilə yayımına dair elan etdiyi tenderin qalibi - CBC TV kanalı - Azərbaycanın ilk rusdilli beynəlxalq peyk telekanalı olduğuna və xarici dillərdə yayımlandığına görə ilk aylar oyunların şərhini rus dilində həyata keçirilicəyini bildirmişdi.
Sportarena.az AFFA-nın rəsmi saytına istinadən xəbər verir ki, bu, baş tutmayacaq.
Oyunların Azərbaycan dilində şərhi AFFA-nın youtube (AFFA Official) kanalında nəzərdə tutulurdu. CBC telekanalı görüşlərin yayımını müvəffəqiyyətlə həyata keçirəcəyi təqdirdə yaxın müddət ərzində özünün idman redaksiyası əsasında CBC-Sport kanalı açacağını, qarşılaşmaların yayım hüququnu həmin kanala ötürəcəyini və oyunların şərhlərinin Azərbaycan dilində olacağını bildirmişdi.
AFFA, PFL və CBC TV rəhbərliyinin müzakirəsindən sonra oyunların keçid dövründə CBC TV-də Azərbaycan dilində yayımlanması qərara alınıb.