Teleaparıcı Aynur Hacıyeva "Beşiktaş"ın əfsanəvi futbolçusu Paskal Numa ilə fotosunu sosial şəbəkədə paylaşıb. Gecce.az-a açıqlama verən teleaparıcı bunu təsadüfi görüş adlandırıb:
"Türkiyədə səfərdə olarkən, Nişantaşıda təsadüfən məşhur futbolçu ilə rastlaşdım və həmin anı fotoda dəyərləndirdim", deyən Aynur Haçıyeva səfərinin məqsədindən söz açıqlayıb. Məlum olub ki, bir müddət öncə "Körpü" teleşousu ilə efirə qayıdan Aynur xanım bu dəfə daha maraqlı layihəyə imza atır. Səfərinin də bu məqsədlə, həm ziyarət, həm ticarət xarakteri olduğunu bildirib. Təfərrüatı barədə isə tezliklə açıqlama verəcəyini qeyd edib.