Bu gün Topaz Premyer Liqasında 2015/16 mövsümünə start verilib. Sportarena.az xəbər verir ki,I turun ilk oyun günündə 3 qarşılaşmabaş tutub.
Ötən mövsümü titulsuz başa vuran "Neftçi" yenidən Premyer Liqaya qayıdan "Kəpəz"i qəbul edib. "Ağ-qaralar" doğma meydan amilindən istifadə edib mövsümə uğurlu start vermək arzusunda idilər. Gəncə təmsilçisi isə çətin səfərdən heç olmasa 1 xalla dönməyə ümid edirdi. Oyunda hesab açılmayıb.
Premyer Liqanın debütantı "Zirə" doğma meydanda AZAL-la münasibətlərinə aydınlıq gətirib. Transfer bazarında fəallığı ilə seçilən və iddialı komanda formalaşdıran paytaxt təmsilçisi ev görüşündən maksimum nəticə ilə ayrılmağa çalışırdı. Büdcəsi azaldılan AZAL-ın isə hazırkı heyətlə nə edəcəyi maraq doğururdu. Debütant bu görüşdə 1:0 hesablı qələbə qazanıb.
Topaz Premyer Liqası, I tur
9 avqust
21:00. "Neftçi” – “Kəpəz” 0:0
Hakimlər: Fariz Yusifov, Nahid Əliyev, Knyaz Əmiraslanov, Ziya Nəsirov
Qırmızı vərəqə: Şəhriyar Əliyev, 70
AFFA nümayəndəsi: Ramiz Abdullayev
Hakim-inspektor: Murad Məmmədov
“Bakcell Arena”
21:00. “Zirə” – AZAL 1:0
Qol: Viktor İqbekoyi, 6
Hakimlər: Orxan Məmmədov, Mehman Mahmudov, Mübariz Haşımov, Xəlil Xəlilov
AFFA nümayəndəsi: Eldar Qasımov
Hakim-inspektor: Məlik Həsənov
Zirə Olimpiya İdman Kompleksinin stadionu