Bu gün Topaz Premyer Liqasında 2015/16 mövsümünün startı verilib. Sportarena.az
xəbər verir ki,ilk oyun günündə 3 qarşılaşma baş tutub.
Eyni saatda başlayan görüşlərdə "Neftçi" "Kəpəz"i, "Zirə" AZAL-ı qəbul edib.
Digər oyunda isə "Xəzər Lənkəran" evdə "İnter"i qonaq edib. FİFA-nın transfer qadağasına görə yeni oyunçularından istifadə edə bilməyən cənub təmsilçisi meydana gənclərlə çıxıb. Ümumiyyətlə, Yunis Hüseynovun komandası ilk 3 turda bacardığı qədər çox xal toplamağa çalışacaq. "Ağ-yaşıllar" ilk növbədə "İnter" səddini itkisiz aşmaq niyyətində idi ki, buna da nail olublar.
Topaz Premyer Liqası, I tur
9 avqust
21:00. “Xəzər Lənkəran” – “İnter” 2:0
Qollar: Elnur Cəfərov, 7, Rahid Əmirquliyev, 31
Hakimlər: Rəhim Həsənov, Vaqif Musayev, Namiq Hüseynov, Ramil Diniyev
AFFA nümayəndəsi: Rauf Hüseynli
Hakim-inspektor: Asim Xudiyev
“Xəzər Lənkəran” mərkəzi stadionu