Premyer Liqanın ilk turunda "Xəzər Lənkəran" doğma meydanda "İnter"i qəbul edəcək. Sportarena.az xəbər verir ki, cənub klubunun "bankirlər"lə görüşü canlı yayımlanacaq. Bu barədə saytımıza klubun mətbuat xidmətinin rəhbəri Hüseyn Cəbrayıloğlu məlumat verib. O, matçın klubun rəsmi internet kanalı vasitəsilə azarkeşlərə təqdim olunacağını bildirib.
Premyer Liqanın yayım hüququna sahib olan CBC telekanalının bölgələrdəki oyunları yayımlamamasına da toxunan Cəbrayıloğlu bununla bağlı hələlik gözləmə mövqeyində olduqlarını söyləyib:
"Hələ birinci turdur. Gözləyirik. Bəlkə qarşıdakı turlarda bizim oyunları da göstərəcəklər".
Qeyd edək ki, "Xəzər Lənkəran" - "İnter" oyunu saat 21:00da başlayacaq.
"Hələ birinci turdur. Gözləyirik. Bəlkə qarşıdakı turlarda bizim oyunları da göstərəcəklər"