Premyer Liqanın ilk turunda səfərdə "Zirə"nin qonağı olan AZAL rəqinə 0:1 hesabı ilə uduzub. Sportarena.az xəbər verir ki, "təyyarəçilər"in baş məşqçisi Tərlan Əhmədov qarşılaşma haqda fikirlərini açıqlayıb:
"Oyunun çətin keçəcəyini bilirdik. Rəqibi tanımırdım. Sadəcə, ötən il AZAL-da oynayıb, indi “Zirə”də çıxış edən futbolçulara bələd idim. Düşünürəm ki, iki fərqli hissə izlədik. İkinci hissədə qol epizodları yaratdıq. Lakin məğlub olduq. İlk turda uduzmaq xoşagələn hal deyil. Buna baxmayaraq, oyunçularımdan razı qaldım. Yeni komanda qurmuşuq. Düşünürəm ki, potensialımız var".