Premyer Liqasında 2015/16 mövsümünün start matçının “Neftçi” - “Kəpəz” görüşündə qalmaqal düşüb. Sportarena.az xəbər verir ki, AFFA nümayəndəsi Ramiz Abdullayevlə Aqil Məmmədov söz davasına çıxıb.
Belə ki, AFFA nümayəndəsi Məmmədova azarkeşləri başına yığdığına və onların da bundan istifadə edib meydana düşdüyünə görə etirazını bildirib. Paytaxt klubunun qapıçısı Aqil Məmmədov isə AFFA nümayəndəsinin xəbərdarlığına qarşılıq olaraq ona hücum çəkib. O, federasiya rəsmisinə "sən kimsən?" deyib. Onun bu sözləri arada mübahisə yaranıb. Aradakı gərginliyi isə "Neftçi" rəsmiləri sakitləşdirib. Klubun mətbuat xidmətinin rəhbəri Gündüz Abbaszadə və digər rəsmilərin müdaxiləsi ilə futbolçu soyunub-geyinmə otağına göndərilib.
Qeyd edək ki, oyun 0:0 hesabı ilə başa çatıb.
