"Zirə" heyətini daha bir futbolçu ilə gücləndirib. Sportarena.az klubun rəsmi saytına istinadən xəbər verir ki, ötən mövsüm Azərbaycan Premyer Liqasının bombardiri olan Nurlan Novruzov komandanın sıralarına qoşulub.
"Bakı" klubu ilə razılığa əsasən Nurlan 6 aylıq icarə əsasında “Zirə”də çıxış edəcək. Ancaq Novruzovla müqavilənin müddəti artırıla da bilər.
Bu haqda artıq futbolçu ilə şifahi razılıq əldə olunub. Klublar arasında da razılıq əldə olunarsa, 6 aydan sonra Nurlan Novruzovla müqavilənin müddətinin artırılması mümkündür.