Premyer Liqanın II turu çərçivəsində baş tutan "Kəpəz" - "Zirə" matçının canlı yayımlanmamasının səbəbi məlum olub. Sportarena.az-ın əldə etdiyi məlumata görə, Gəncə şəhər stadionunun yaxşı vəziyyətdə olmaması CBC telekanalı üçün maneə yaradıb.
Dərin futbol ənənələri olan bir şəhərin təmsilçisinin ilk ev oyununun yayımı futbol həvəskarları üçün maraqlı idi. Amma stadionun vəziyyəti, işıq sisteminin hələ qurulmaması, soyunub-geyinmə otaqlarının hazır olmaması oyunun canlı yayımlanmaması ilə nəticələnib.
Stadion tam hazır olduqdan sonra CBC "Kəpəz"in oyunlarına da yer verəcək.