"Komanda artıq çətin dövrünü geridə qoyub. Sabahkı oyunda da “Panatinakos”un yüksəlişə keçdiyini göstərməyə çalışacağıq”.
Sportarena.az xəbər verir ki, bu sözləri “Panatinaikos”un futbolçusu Nikos Marinakis Avropa Liqasının "pley-off" mərhələsində "Qəbələ" ilə oyun öncəsi keçirilən mətbuat konfransında deyib.
O bildirib ki, “Qəbələ”nin 3 mərhələni uğurla adlaması komandanın gücünü göstərir: "Zəif deyil, güclü rəqiblə oynayacağımızı bilirik. Bütün gücümüzü meydanda qoyacağıq”.
N.Marinakis “Panatinaikos”un ulduz futbolçusu Maykl Essyenin yoxluğundan da söz açıb: “Essyenin komandada olması bizim üçün əlavə güc olardı. Amma əvvəllər də onsuz oynamışıq. Hazırkı heyətlə də oyunumuzu göstərməyə qadirik”. (qol.az)