"Qələbə qazanmaq istəyirdik. Təəssüf ki, alınmadı. Qismət deyilmiş. Ancaq səfərdə heç-heçə pis nəticə deyil. Qələbə arzulayırdıq, 1 xal qazandıq. Gələcəkdə daha yaxşı nəticələr qazanmağa çalışacağıq".
Sportarena.az xəbər verir ki,bu sözləri "Rəvan"ın kapitanı Ramazan Abbasov deyib. CBC telekanalına danışan təcrübəli futbolçu komandanın hazırkı durumuna da toxunub:
"Hamımız milli üçün xeyir verəcək futbolçulardan olmaq istəyirik. "Rəvan" təzə yığılmasına baxmayaraq, yaxın gələcəkdə özünü yaxşı tərəfdən göstərəcək. Hərşey daha yaxşı olacaq. Bundan da yaxşı oynaya bilərik".
Qeyd edək ki, Premyer Liqanın III turunun açılış matçında "Rəvan" səfərdə "Xəzər Lənkəran"la bərabərə qalıb - 1:1.