Bu gün Topaz Premyer Liqasında III turun daha 3 oyunu keçirilib. Sportarena.az xəbər verir ki, ilk görüş paytaxtda start götürüb.
Mövsümə bərbad başlayan "Neftçi" doğma meydanda "Sumqayıt"ı sınağa çəkib. İlk iki turdan cəmi 1 xal toplayan "ağ-qaralar" vəziyyəti düzəltmək arzusunda idilər. "Sumqayıt" isə səfərdən heç olmasa 1 xalla dönmək istəyirdi. Oyun meydan sahiblərinin 2:1 hesablı qələbəsi ilə başa çatıb.
İkinci pillədə qərarlaşan "Qəbələ" bu tur ev sınağına çıxıb. Roman Qriqorçukun komandası "Kəpəz"lə münasibətlərinə aydınlıq gətirib. Bütün diqqətini Avroliqanın pley-off mərhələsinin "Panatinaikos"la oyununa ayıran əyalət təmsilçisinin bu görüşdə əsas oyunçularına istirahət verəcəyi gözlənilirdi. "Qəbələ" doğma meydanda minimal hesablı qələbə qazanıb.
Turun digər oyununda isə son çempion "Qarabağ" Şüvəlanda AZAL-ın qonağı olub. Avroliqanın pley-off mərhələsinin ilk qarşılaşmasında səfərdə "Yanq Boyz"u məğlub edən Ağdam klubu da "Qəbələ" kimi ehtiyat qüvvəyə üstünlük verib. Buna baxmayaraq, Qurban Qurbanovun komandası səfərdə inamlı qələbə qazanıb - 2:0.
Topaz Premyer Liqası, III tur
23 avqust
18:15. “Neftçi” – “Sumqayıt” 2:1
Qollar: Araz Abdullayev, 51, Rəhman Hacıyev, 53 - Nuran Qurbanov, 77
Hakimlər: Ramil Diniyev, Elman Musayev, Vüsal Qənbərov, Yaşar Abbasov
Əlavə köməkçi hakimlər: Ağayev Əliyar, Həsənov Rəhim
İsmət Qayıbov adına Bakıxanov qəsəbə stadionu
“Neftçi”: 1. Aqil Məmmədov, 4. Rahil Məmmədov, 6. Aylton Silva, 7. Araz Abdullayev (k), 8. Elşən Abdullayev, 14. Məhəmməd Qurbanov, 15. Erik Ramos, 11. Ruslan Qurbanov, 17. Rəhman Hacıyev, 18. Kaue da Silva, 27. Məqsəd İsayev.
Ehtiyat oyunçular: 24. Mixal Peskoviç, 32. Orxan Bəşirov, 95. Elvin Bədəlov, 26. Kamal Qurbanov, 19. Fəhmin Muradbəyli, 21. Samir Məsimov, 16. Əziz Quliyev.
Baş məşqçi: Samir Əliyev.
“Sumqayıt”: 1. Şahruddin Məhəmmədəliyev, 2. Slavik Alxasov, 3. Vurğun Hüseynov (k), 5. Cəmil Hacıyev, 7. Pərdis Fərcad–Azad, 10. Uğur Pamuk, 13. Murad Ağayev, 14. Bəxtiyar Həsənalızadə, 18. Aleksandr Çertoqanov, 22. Tofiq Mikayılov, 39. Emin Mehdiyev.
Ehtiyat oyunçular: 94. Tərlan Əhmədli, 6. Mikayıl Rəhimov, 8. Nuran Qurbanov, 15. Nodar Məmmədov, 16. Elnur Abdulov, 24. Amit Quluzadə, 97. Xəyal Nəcəfov.
Baş məşqçi: Aqil Məmmədov.
21:00. “Qəbələ” – “Kəpəz” 1:0
Qol: Ermin Zets, 6
Hakimlər: Orxan Məmmədov, Mübariz Haşımov, Knyaz Əmiraslanov, Rəvan Həmzəzadə
Əlavə köməkçi hakimlər: Paşayev Ömər, Əhmədov Ramil
Qəbələ şəhər stadionu
21:00. AZAL – “Qarabağ” 0:2
Qollar: Mahir Mədətov, 44, Dani Kintana, 65
Hakimlər: Elvin Əsgərov, Rahil Ramazanov, Cavanşir Yusifov, Etibar Həsənov
“Dalğa Arena”