"Bizim üçün hər bir qələbə vacibdir. Çempionatın startında bütün komandalar istəkli olur. Bu gün rəqib bizə çətin anlar yaşatdı. Düşünürəm ki, xeyli dəyişikliklərin fonunda səhvlərimiz çox idi. Bu səhvləri aradan qaldırmaq mümkündür".
Sportarena.az xəbər verir ki, bu sözləri "Qarabağ"ın baş məşqçisi Qurban Qurbanov Azərbaycan Premyer Liqasının 3-cü turunda AZAL-a 2:0 hesabı ilə qalib gəldikləri matçdan sonra deyib. Qarşılaşma ilə bağlı fikirlərini açıqlayan Qurbanov sözlərinə belə davam edib:
"Günü-gündən sayı çoxalan azarkeşlərə təşəkkür edirəm. Heç bir oyunçu üçün getdiyi komandada tez bir zamanda özünü yaxşı tərəfdən göstərmək asan deyil. Sadəcə, deyim ki, yeni oyunçular çox istəklidirlər. Hesab edirəm ki, futbolçular faydalı olacaqlar".