Avropa Liqasının qrup mərhələsinə vəsiqə qazanması "Qarabağ"la "Qəbələ"nin maddi durumuna da müsbət təsir edəcək. Sportarena.az xəbər verir ki, buna görə UEFA hər iki klubumuzun hesabına 2 400 000 avro köçürəcək.
Ancaq klublarımız bu gəlirləri daha da artıra bilərlər. Belə ki, bundan sonra qazanılacaq hər bir qələbə "Qarabağ"la "Qəbələ"yə əlavə 360 000 avro qazandıracaqsa, heç-heçə 120 000 ilə qiymətləndiriləcək. Qrup qalibi olacaq komandalar 500 000 avro gəlir əldə edəcəksə, ikinci yeri tutanlar 250 000 avro irəli düşəcək.
"Qəbələ" Avroliqanın bütün təsnifat mərhələlərində iştirak etdiyinə və uğur qazandığına görə əlavə 860 000 avro da qazanacaq.