Avropa Liqasında "Qəbələ" ilə eyni qrupa düşən "Krasnodar" klubunun futbolçusu Yuri Qazinski püşkün nəticəsini dəyərləndirib. Sportarena.az xəbər verir ki, UEFA-nın rəsmi saytına danışan müdafiəçi "Borussiya"nı aşkar favorit hesab edir:
"Borussiya" haqda çox danışmağa ehtiyac yoxdur. Ardıcıl 3 il Çempionlar Liqasında uğurlu çıxış edən almanlar aşkar favoritdi. Digər 3 komandanın da az-çox şansları var. İstənilən rəqiblə rəqabət apara bilərik. Püşkün nəticəsini uğurlu hesab etmək olar. Özümüzü yaxşı tərəfdən göstərə bilərik".
Qeyd edək ki, "Qəbələ" C qrupunda "Borussiya", "Krasnodar" və PAOK-la mübarizə aparacaq.