"AÇ-2016"nın seçmə mərhələsində VII turun oyunları davam edir. Sportrena.az xəbər verir ki, bu gün D, F və İ qrupunda növbəti görüşlər keçiriləcək.
D qrupunun maraq kəsb edən matçında Almaniya lider Polşanı sınağa çəkəcək. Gürcüstan isə Şotlandiya ilə münasibətlərinə aydınlıq gətirəcək. İrlandiya səfərdə Cəbəllütariqin qonağı olacaq.
F qrupunda Yunanıstan Finlandiyanı, Farer Adaları Şimali İrlandiyanı, Macarıstan isə Rumıniyanı qonaq edəcək.
İ qrupunda 2 qarşılaşma baş tutacaq. Danimarka evdə Albaniyanı, Serbiya isə Ermənistanı məğlub etməyə çalışacaq. Albaniyanın heyətində "Qarabağ"ın müdafiəçisi Ansi Aqollinin ilk dəqiqələrdən meydanda olacağı gözlənilir.
"AÇ-2016"nın seçmə mərhələsi, VII tur
4 sentyabr
D qrupu
21:00. Gürcüstan – Şotlandiya 1:0
23:45. Cəbəllütariq - İrlandiya 0:4
23:45. Almaniya - Polşa 3:1
F qrupu
23:45. Yunanıstan - Finlandiya 0:1
23:45. Farer adaları - Şimali İrlandiya 1:3
23:45. Macarıstan - Rumıniya 0:0
İ qrupu
23:45. Danimarka – Albaniya 0:0
23:45. Serbiya - Ermənistan 2:0