"Azərbaycana qələbə üçün getmişdik. Amma istədiyimizi ala bilmədik".
Sportarena.az xəbər verir ki, bu sözləri "AÇ-2016"nın seçmə mərhələsinin millimizlə oyunundan sonra Xorvatiya seçməsinin kapitanı Luka Modriç deyib. Komandasının Bakıdakı qolsuz bərabərliyini dəyərləndirən ulduz futbolçu çıxışlarından narazı qalıb:
"Düzdü, bir neçə qol vəziyyəti yaratdıq. Ancaq öz oyunumuu ortaya qoya bilmədik. Meydandakı əsl Xorvatiya yığması deyildi. Nələrin düzgün getmədiyini düşünməli və Norveçlə oyunun hazırlığında buna diqqət yetirməliyik".
Qeyd edək ki, Azərbaycan - Xorvatiya oyunu 0:0 hesabı ilə başa çatıb.