Amerika Birləşmiş Ştatlarının Las Veqas şəhərində 2016-cı ildə Braziliyanın Rio-de Janeyro şəhərində keçiriləcək 31-ci Yay Olimpiya Oyunlarına ilk lisenziyaların qazanıldığı güləş üzrə dünya çempionatında bürünc medal qazanan Xetaq Qazyumov yarışla bağlı fikirlərini bölüşüb. Sportarena.az xəbər verir ki, Qazyumov göstərdiyi nəticədən razı qalmadığını bildirib:
"Nəticədən razı qalmadım. Bura yalnız qızıl medal qazanmaq üçün gəlmişdim. Ancaq qızıl medal qazana bilmədim. Bununla belə, bürünc medal və Rio-de Janeyro Olimpiyadasına lisenziya qazandığım üçün şadam. Azarkeşlərə təşəkkür edirəm".