"Qarabağ" Londona yola düşüb. Sportarena.az xəbər verir ki, Avropa Liqasının qrup mərhələsinin ilk turunda "Tottenhem"in qonağı olacaq komandamız birbaşa İngiltərənin paytaxtına uçub. Ağdam təmsilçisi 18:00-da yola düşəcək. Uçuşun təxminən 5 saat yarım olması gözlənilir.
Sabaha komandamız oyunun keçiriləcəyi "White Hart Lane" stadionunda yerli vaxtla 19:00-da məşqə çıxacaq. Buna qədər isə "Qarabağ"ın baş məşqçisi Qurban Qurbanov və bir futbolçumuz media mənsublarının suallarını cavablandıracaq.
Qeyd edək ki, "Tottenhem" - "Qarabağ" oyunu 17 sentyabr 00:05-də (18-inə keçən gecə) baş tutacaq.