“Neftçi” Azərbaycan Premyer Liqasının V turunda “Xəzər Lənkəran”la keçiriləcək oyuna hazırlığı davam etdirir.
Sportarena.az klubun saytına istinadən xəbər verir ki, komanda dünən hazırlıq çərçivəsində əvəzedici heyətlə qarşılaşıb. İsmət Qayıbov adına Bakıxanov qəsəbə stadionunda baş tutmuş yoxlama oyununda əsas və əvəzedici komandaların bütün futbolçularına şans verilib. Matç əsas komandanın 6:0 hesablı qələbəsi ilə başa çatıb.
Xatırladaq ki, “Neftçi” – “Xəzər Lənkəran” qarşılaşması sentyabrın 20-də “Bakcell Arena” stadionunda keçiriləcək və saat 21:00-da başlanacaq.