"Qarabağ"ı məğlub etmək, qrup mərhələsinə uğurla başlamaq vacibdir. Uğur qazanmaq istəyiriksə, hər oyunda qələbə qazanmağımız lazımdır".
Sportarena.az xəbər verir ki, bu sözləri "Tottenhem"in yarımmüdafiəçisi Erik Lamela deyib. İngilis klubunun əsas silahlarından olan futbolçu Avroliqanın qrup mərhələsinin ilk turunda "Qarabağ"la keçirəcəkləri oyundan danışıb:
"Bu gün "Uayt Hart Leyn"də oynayırıq. Doğma meydan amili bizə kömək etməlidir. Yaxşı, gənc komandamız var və hər oyunda özünü göstərməyə çalışır".
Qeyd edək ki, "Tottenhem" - "Qarabağ" oyunu bu gün, saat 00:05-də başlayacaq.