"Əzmkar oyuna görə futbolçularımı təbrik edirəm. Oyundan oyuna irəliləyiş var. Bunun fonunda çatışmazlıqlarımız da mövcüddur ki, onu aradan qaldırmalıyıq. Oyun zamanı bizə dəstək olan azarkeşlərə minnətdaram".
Sportarena.az xəbər verir ki, bu sözləri "Zirə"nin baş məşqçisi Adil Şükürov deyib. O,Premyer Liqanın V turunda "Rəvan" üzərində 2:1 hesablı qələbəyə şərh verib:
"Matçın gedişində futbolçularım arasında mübahisə olmadı, sadəcə olaraq, biri-birini eşitmədilər. Çox qol vəziyyəti yaratsaq da, bunların yalnız ikisindən istifadə edə bildik. Düşünürəm ki, yaxşı futbol oynayıb, qələbə qazandıq. “Rəvan” da pis oynamadı. Qısa zamanda “Rəvan” mübariz komanda kimi formalaşıb".