"Görüşdən öncə "Böyük oyun"un əhəmiyyətini itirdiyini deyirdilər. Məncə, böyük oyuna layiq bir mübarizə getdi. Mübarizə, qırmızı vərəqə, vurulmayan penalti... Futbolda səhvlər olur. Biz də səhvlər etdik".
Sportarena.az xəbər verir ki, bu sözləri "Neftçi"nin baş məşqçisi Samir Əliyev deyib. "Xəzər Lənkəran"la 1:1 başa çatan oyun haqda fikirlərini bildirən gənc çalışdırıcı Erik Ramosun hərəkətlərinə də münasibət bildirib:
"Məncə, Erik Ramos ədalətli oyun qaydalarına riayət etməli, topu rəqibə qaytarmalı idi. Amma bunu etmədi. Onunla bu barədə söhbət edib, eyni halın təkrarlanmamasını tapşıracağam. Ola bilsin ki, qələbə istəyindən irəli gələn bir şeydi. Amma istənilən halda, olmamalıdır".