"İnter Az" televizyasında yayımlanan Rüfət Nadirilinin aparıcısı olduğu "Arena" verlişi yeni mövsümün çəkilişlərinə start verib.
Sportarena.az xəbər verir ki, yeni mövsümün ilk qonaqları "Xəzər Lənkəran" klubunun qapıçısı Orxan Sadıqlı, "Neftçi"nin keçmiş vitse-prezidenti Tahir Süleymanov və "Zirə"nin U-19 komandasının baş məşqçisi Fizuli Məmmədov olub. Verlişdə Azərbaycan Premyer Liqasının 5-ci turunun oyunları müzakirə olunub, mübahisəli epizodlardan danışılıb. Bundan başqa turun mərkəzi oyunu olan "Böyük oyun"a olan azarkeş qadağası, matçda baş verən maraqlı epizodlar da verlişin əsas müzakirə mövzusu olub.