"“Xəzər Lənkəran" Premyer Liqanın VI turu çərçivəsində, sentyabrın 27-də "Fırtınalar meydanı"nda "Zirə"ni qəbul edəcək.
Sportarena.az "12cioyuncu.info"ya istinadən xəbər verir ki, bir ay sürən ayrılıqdan sonra komanda nəhayət doğma arenada çıxış edə biləcək.
Qeyd edək ki, əvvəlcə millinin oyunları ilə əlaqədar çempionatda yaranmış fasilə, ardınca isə "Qarabağ" və "Neftçi" ilə səfərdə baş tutan oyunlar hesabına boş qalan stadionda təmir işləri aparılıb. Belə ki, əsas meydançasının ot örtüyü demək olar ki, tamamilə yenilənmiş, səpilmiş yeni toxumlar cücərmiş və nəhayət görülən işlərin nəticəsi olaraq meydançanın görkəmi dəyişmişdir.
Hazırki ideal vəziyyətin nə qədər qalacağı, yeni ot örtüyünün hansı müddətə qədər davam gətirəcəyi hələ məlum olmasa da görünən odur ki, meydança əvvəlkindən xeyli fərqlidir.
Arenadan çəkilmiş son fotoları təqdim edirik:
