Topaz Premyer Liqasında VI turun görüşləri davam edir. Sportarena.az xəbər verir ki, 2-ci oyun günündə daha 2 qarşılaşma baş tutacaq.
Eyni saatda başlayacaq matçlardan biri Bakıda, digər Sumqayıtda olacaq. Turun mərkəzi görüşü paytaxtda keçiriləcək. İndiyə qədər bütün çempionatların iştirakçısı olan "Qarabağ" və "Netçi" münasibətlərinə aydınlıq gətirəcəklər. Ağdam klubu yeni stadionunda qələbə qazanıb liderliyini qorumaq niyyətindədi. "Neftçi" də meydana 3 xal üçün çıxacaq. "Ağ-qaralar" 2,5 ildir məğlub edə bilmədiyi rəqibini, nəhayət ki, yenmək arzusundadı.
Turun digər oyununda isə "Sumqayıt" AZAL-ı qəbul edəcək. Cari mövsüm qələbəyə həsrət qalan iki komandanın mübarizəsi də maraqla gözlənilir. "Təyyrəçilər" bu oyunda ilk xal və ya xallarını qazanmağa çalışacaq.
Topaz Premyer Liqası, VI tur
26 sentyabr
“Qarabağ” – “Neftçi” 1:1
Qollar: Erik Ramos, 61 (0:1), Riçard Almeyda, 90 (1:1)
Hakimlər: Fariz Yusifov, Vaqif Musayev, Mübariz Haşımov, Knyaz Əmiraslanov
Əlavə köməkçi hakimlər: Orxan Məmmədov, Elvin Əsgərov
Suraxanı qəsəbə stadionu
“Sumqayıt” – AZAL 1:1
Qollar: Ağabala Ramazanov, 36 (1:0), Aleksandr Quruli, 90+4 (1:1)
Hakimlər: Rəhim Həsənov, Azər Əsgərov, Vüsal Qənbərov, Nail Nağıyev
Sumqayıt şəhər stadionu.